Þjónustubyggingar við Gufuneskirkjugarð

Samkeppnistillaga, 2004
Samkeppnisplansar á PDF formi (700Kb)

Úr greinargerðinni:

Aðalmarkmið tillögunnar er að skapa virðulega og hátíðlega umgjörð um athafnir og viðkvæma starfsemi sem fram mun fara í þjónustubyggingum við Gufuneskirkjugarð.

Í tillögunni er tekin markviss afstaða til landslags samkepppnissvæðisins og mótunar þess. Byggingunum er raðað norð-austanvert í Hallsholt, þannig að þök þeirra standa lágreist upp úr eða samlagast því. Byggingar og bílastæði austast á svæðinu eru greypt í landið með afgerandi hætti, og bílastæði vestast á svæðinu lögð á jarðvegsfyllingu utan í holtinu. Athafnarýmin – kirkja, kapella og bænhús – eru mótuð þannig að þau mynda áherslur í ásýnd mannvirkjanna.